Pisalem 52:3-8

³Goe e hagalabagau nia hangaahai huaidu laa hongo nia hangaahai humalia, mo nia kai tilikai laa hongo nia kai e donu.

⁴Goe e hiihai e hagahuaidu nia daangada gi au helekai, goe tangada hai kai tilikai!

⁵Malaa, God ga haga huaidu goe gi mooho gaa hana hua beelaa. Mee gaa kumi goe gaa dada mai goe gi daha mo do guongo. Mee gaa daa goe gi daha mo tenua o digau mouli.

⁶Digau ala e hai di tonu gaa mmada gi di mee deenei ma gaa hai, ga mmaadagu. Digaula ga gadagada adu gi di goe ga helekai,

⁷“Mmada, deenei tangada nogo hagalee hagadagadagagee gi nia hagamaamaa a God, nogo hagadagadagagee hua gi ono goloo ala e logo, gei e halahala ono hagahumalia gi nia hangaahai huaidu mono kai tilikai.”

⁸Gei au, au e hai gadoo be di laagau olib e tomo i lodo di hale o God. Au e hagadagadagagee gi di aloho dee modu o maa, gaa hana hua beelaa dono hagaodi ai.