Pisalem 4:3-8

³Goodou gi langahia bolo Dimaadua le e hilihili digau ala e donu, go digau e hai mee ginai Ia, gei Mee e longono Ia au ma ga gahigahi a Mee.

⁴Goodou polepole mo di mmaadagu ge gi dugua godou haihai huaidu. Goodou hagamaanadu gi humalia di mee deenei, i godou madagoaa ma gaa moe deemuu i hongo godou hada.

⁵Goodou tigidaumaha gi Dimaadua i nia tigidaumaha ala e donu, mo di hagadonu ina a Mee.

⁶Digau dogologo e dalodalo beenei: “Gaamai gi gimaadou labelaa gi no nua o hagahumalia, meenei Dimaadua, Goe manawa dumaalia mai gi gimaadou!”

⁷Gei di tene dela ne gaamai Kooe gi di au, la koia e damanaiee laa hongo nia tenetene o digau ala e tene gi nadau ‘wheat’ mo nadau waini.

⁸Dogu madagoaa ma gaa moe gi lala, gei au e kii i lodo di aumaalia, idimaa Kooe, meenei Dimaadua, dela e hagaloohi au.