Pisalem 49:3-6

³Agu hagamaanadu la ga modongoohia: Au ga helekai i nia helekai kabemee.

⁴Au ga hagalongo gii donu gi nia bida helekai kabemee, ga haga modongoohia nia hadinga nia maa i dogu madagoaa ma ga badubadu di ‘harp’.

⁵Au hagalee madagu i di madagoaa ma ga haingadaa, i dogu madagoaa ma ga duuli go ogu hagadaumee,

⁶go digau huaidu ala e hagadagadagagee gi nadau maluagina, ge e hagapuu gi nadau goloo ala e logowaahee.