Pisalem 48:7-14

⁷e hai gadoo be nia wagabaalii ma ga huduhudu go nia beau i lodo di madangi gono.

⁸Gimaadou gu longono nia mee a God ala ne hai, gei dolomeenei gimaadou guu mmada gi di maa i lodo di waahale o di madau God, go Yihowah di Gowaa Aamua. Mee ga benebene di waahale deenei ga hana hua dono hagaodi ai.

⁹Meenei God, i lodo do Hale Daumaha, gimaadou e hagabaubau di hai o do manawa aloho dee modu.

¹⁰Nia gowaa huogodoo nia daangada e haga hagaamu Goe, oo longo guu dele i hongo henuailala hagatau. Goe e dagi i di tonu.

¹¹Digau huogodoo o Zion la gi manawa tenetene! Goe e hai dau hagi aga gi di mee dela e donu. Nia waahale o Judah la gi tenetene!

¹²Nia daangada a God, goodou hula haganiga a Zion, daulia di hulu o nia angulaa.

¹³Hagadina ina nia abaaba, mo di hagamada ina nia abaaba dauwa, gii mee goodou di hagi anga gi nia adu daangada ala nomuli:

¹⁴“Di God deenei la di God ni gidaadou gaa hana hua beelaa dono hagaodi ai. Mee gaa dagi gidaadou i di waalooloo o nia madagoaa ala ga lloomoi maalia.”