Pisalem 41:3-8

³Dimaadua ga hagamaamaa digaula ma gaa magi, gaa hai digaula gi maaloo.

⁴Gei au ga helekai, “Meenei Dimaadua, au guu hai dagu ihala adu gi di Goe. Dumaalia mai gi di au, hagahili ina au.”

⁵Ogu hagadaumee e helekai huaidu i di au. Digaula e hiihai bolo au gii made gi daha gi de langahia.

⁶Digau ala e lloomoi e heetugi mai gi di au la hagalee hai nadau mee donu mai gi di au. Digaula e halahala hua nadau helekai huaidu i di au, gaa hula ga hagadele gi nia madagowaa huogodoo.

⁷Digau ala e hagadugina e ginaadou au le e leelee hagamoolee i nadau mehanga i di au. Digaula e hagamamaanadu nadau mee huaidu i di au.

⁸Digaula e helekai boloo, “Mee guu magi pale huoloo. Mee e deemee di hana gi daha mo dono moenge labelaa.”