Pisalem 31:3-12

³Goe go dogu gowaa e hagamalu iei au, mo dogu haga dagaloaha. Aago ina au mo di dagia au e hagalaamua ai do ingoo.

⁴Benabena ina au gi daha mo di hele dela gu haganoho mai gi di au. Duulia au gi daha mo nia haingadaa.

⁵Au gu dugu adu au gi di Goe gi madamada humalia ai. Goe ga haga dagaloaha au, meenei Dimaadua, Goe la di God manawa dahi.

⁶Goe e de hiihai gi digau ala e daumaha gi nia balu god tilikai, gei au e hagadagadagagee adu gi di Goe.

⁷Au ga manawa lamalia mo di tenetene, idimaa go do manawa aloho dee modu. Goe e gidee ogu hagaduadua, Goe e iloo ogu haingadaa.

⁸Goe digi hai ogu hagadaumee gi kumudia au. Goe gu gaamai gi di au di moholo gii hana gi nia gowaa ala e hiihai ginai au.

⁹Dumaalia mai gi di au, meenei Dimaadua, idimaa au gu haingadaa mai gi di au. Ogu golomada gu duadua di dangidangi. Au gu ogu mahi ai.

¹⁰Au gu ogu mahi ai i dogu manawa gee, mo dogu dangidangi gu haga bodobodo mai dogu mouli. Au gu bagege mai i ogu haingadaa huogodoo, ogu iwi gu paagege labelaa.

¹¹Ogu hagadaumee huogodoo, gei e donu go digau ala i dogu baahi, le e haga balumee au. Digau ala e iloo ginaadou au le e mmaadagu i di au. Digaula ma ga mmada mai gi di au i hongo di ala, le e hula e llele gi daha.

¹²Nia daangada huogodoo gu de langahia e ginaadou au, e hai bolo au guu made. Au guu hai gadoo be di balumee ne hudu gi daha.