Pisalem 26:6-10

⁶Meenei Dimaadua, au e tono ogu lima e hagamodongoohia bolo au ogu ihala ai, ge e hai agu daumaha e hana haganiga dau gowaa hai tigidaumaha.

⁷Au e daahili danggee, gei e hagi anga au hegau hagagoboina.

⁸Meenei Dimaadua, au e aloho i di hale dela e noho iei Goe, di gowaa dela e noho ai do madamada.

⁹Hudee daaligidia au madalia digau hai mee hala. Hudee daaligidia au be digau daaligi dangada gii mmade,

¹⁰nia daangada ala e hai mee huaidu i nia madagoaa huogodoo, ge e hagatogomaalia i nia madagoaa huogodoo e kae nia bahihadu haganeene.