Pisalem 18:45-48

⁴⁵Digaula gu manawa paagege ga lloomoi gi daha mo nadau abaaba dauwa mo di polepole.

⁴⁶Dimaadua le e mouli! Hagaamu ina dogu Dangada Daa! Hagadele ina di aamua huoloo o di God dela gu haga dagaloaha au!

⁴⁷Mee go di God dela ne hai au gi aali i hongo ogu hagadaumee. Ma go Mee dela ne hai nia henua la gii noho i lala ogu mogobuna,

⁴⁸ga haga dagaloaha au gi daha mo ogu hagadaumee. Meenei Dimaadua, Goe e hai au gi aali i ogu hagadaumee, gei e abaaba au gi daha mo digau daaligi dangada.