Pisalem 144:4-11

⁴Mee e hai gadoo be di oloolo madangi. Di waalooloo o dono mouli le e hai gadoo be di malu dela e limalima hua di hagalee.

⁵Meenei Dimaadua, hugee di langi gi mahuge mo di haneia gi lala. Bili gi nia gonduu, gei nia maa gaa gohu mai nia huiahi.

⁶Heia nia ila gi dabadaba, gi lellele dagidahi o hagadaumee. Puugia au amu maalei e hagabagi digaula gii hula gii llele.

⁷Daahia mai doo lima, daahi aga ina au gi daha mo nia wai llala, haga dagaloaha ina au. Haga dagaloaha ina au gi daha mo digau henua gee,

⁸ala hagalee helekai donu ge e hai nadau helekai tilikai i lodo nadau hagamodu ne hai.

⁹Meenei Dimaadua, au ga daahili adu gi di Goe taahili hoou. Au ga daahili i di ‘harp’ mo di daahili adu gi di Goe.

¹⁰Goe e hai nia king gi aali i lodo nia dauwa, ga haga dagaloaha dau dangada hai hegau go David.

¹¹Haga dagaloaha ina au gi daha mo ogu hagadaumee huaidu. Daawa ina au gi daha mo nia mogobuna o digau henua gee, ala hagalee helekai donu, ge e hai nadau helekai tilikai i lodo nadau hagamodu ne hai.