Pisalem 144:11-12

¹¹Haga dagaloaha ina au gi daha mo ogu hagadaumee huaidu. Daawa ina au gi daha mo nia mogobuna o digau henua gee, ala hagalee helekai donu, ge e hai nadau helekai tilikai i lodo nadau hagamodu ne hai.

¹²Madau dama daane i nadau madagoaa ala e dama daane ai gii hai gadoo be nia laagau ala e tomo maaloo. Madau dama ahina gii hai be nia duludulu mmaadanga ala e laagei nia madaaduge di hale di king.