Pisalem 141:6-8

⁶Di madagoaa nia dagi digaula ma gaa kili ia gi lala mai i hongo nia hadugalaa duuduu i nua, deelaa di madagoaa o nia daangada ga hagadonu laa bolo agu helekai le e donu.

⁷Nia iwi digaula ga malae i hongo nadau daalunga gadoo be nia laagau ma ga hahaahi ga duuduu hagalligi.

⁸Meenei dogu Dagi go Yihowah, au e hagadagadagagee adu gi di Goe. Au e halahala doo duuli, hudee diagia au gii made!