Pisalem 122:4-9

⁴Deenei di gowaa e lloomoi ginai nia madawaawa, go nia madawaawa Israel, e hai nadau danggee ang gi Dimaadua gii hai be nia haganoho a Maa.

⁵Deenei di gowaa e hai ai nia gabunga, nia king o Israel e gabunga nadau daangada.

⁶Goodou dalodalo ina Jerusalem gii noho i di aumaalia, boloo: “Digau ala e aloho i di goe la gii noho manawa lamalia.

⁷Di noho i di aumaalia gii gila i lodo o abaaba mo di noho humalia la gii gila i lodo oo hale aamua.”

⁸Au e helekai gi Jerusalem, “Di noho i di aumaalia gii noho i doo baahi”, idimaa go ogu duaahina mo ogu ihoo hagaaloho.

⁹Au e dalodalo i ono haadanga lamalia, idimaa dela go di gowaa e iai di hale o Dimaadua go tadau God.