4MIZMIZ 4 NOSIK 4-9 Wa no sererge uridwa Ople doge gair kerkerge. Kai iako koka dataute: wa sererge baprekrawem!
5Wa no uridwa wader leem debele. Ople pe maike dali.
6Wa nole wader lu darakepwarawem ege no wabi erkepasamu, Agudi damsawem nalu wa laglag; gair amos waba wanagri no eswaukem.
7Ia waiakai Agudi mapodange Iesu Kerisoi doge. Agudira mapodan au sikak wadikedawa pe nalu dike wabi idonige dike.
8Mop maike kara mir, buai: nalu lu pe nagri agekar, nalu lu pe nagri amrem, nalu lu pe nagri barkak, nalu lu pe nagri puipikak a zogozogo, nalu lu pe nagri audebele, a nalu barkak lu wage darauspirawem - wa no able lu darakepwarawem.
9Wa ge mena gair lu ikerarwem wa karialam berwerda a wage tadasmerda a tasorda kaka tikerer. Ege Agudide mapodan
12PILIPAI MIZMIZ 4 NOSIK 12-20 Kaka wanali mokakalam lukak le a mokakalam able mitkar luglug le. Ka geka teberweri able gumik mapodanira ka nawer gair tonar utebge; lewer aroaro, lewer arokak; mitkar a nolekarge.
13Ka umele gair lu akere Kerisoi doge pe kari kelar naiswerli.
14Mena bakedida wa debele urder wa kara beber wa ikaidarda perper baida.
15Wa Pilipaira le umele uridli able kikem kerkerge able debe mirira, ka Masedonialam bakiamuda, ege no wabi zogometade kari upinatida, kari neisweri a kage irpi.
16Nade ka mena geka nawer Tesalonikage wage karim upiatidar emarikdarda neis kerkerge, ge kaka laglag nawer.
17Ka nole koka lugem dasmeli; kape no laglag nali ka wabi auspireda ableglam wa aiswereda.
18Ka kemerkemer bodomalam erpeida a dadgiko. Kara aumitkar nagri ableglam Epaprodaitaside kari neisweri able lu ge wawa temarikdarda. Pe nagri werteda debelaglag zegurlu.
19Kari Agudide mari gair lu wanaiswer nalu ma laglag taba zoromlam moige Iesu Kerisoi doge.
20Abim meriba Agud a Baba able zorom nagri niaiem niaikarem.
