Paisowa 9:3-19

³Saulo ya laoma Damaseko taonna hanahanauna yai. Yo fede mala laꞌilaꞌina ya lidima galewa yai be ya sina fafataꞌiꞌili.

⁴Yo fede Saulo ya beꞌu lidi tanohi yai na alina hesa ya atahi ya liba laoma lisina yai iyen, Saulo, Saulo! Paꞌana somo be wa fakamkamnagu?

⁵Alinana ya bui iyen, Guyau, Um sai? Yesu wa, Saulo alinana ya bui fafuyo iyen, Yau Yesu. Logegu wa fahisu faheyayagu.

⁶U obiyo be u lau taon! Ainiya haba somo sa falibam wa ginauli.

⁷Salumadi maꞌedi Saulo sa laulau mate sa todi na hige somo hesa ti libaen; hige dogana ti ita, na alina afaꞌafana moho sa atahi.

⁸Saulo tanohi yai ya obiyoma be matana ya falaladi. In moho hige somo laꞌi i ita. Yo fede sa abi nimai be sa foya lawen Damaseko.

⁹Lahai faihona hige gonowana somo laꞌi i ita, i an e i nom.

¹⁰Tau kawawananaha dogana hesa Damaseko yai hesana Ananiya. Tautau hesa ya ita. Ganahewana yai Guyau ya libalau lisina iyen, Ananiya! Alinana ya bui fafuyo iyen, Ho! Guyau, yau ite.

¹¹NA Guyau ya libalau lisina iyen, U abi nonoha be u lau edaꞌeda hesana “Edaꞌeda Dudulaina” u lau watan. Diudasi ena luma yai, Tasusi dogana hesa hesana Saulo u fatiꞌoi. In mate ya laulauꞌuꞌula,

¹²na haꞌa tautau yai ya ita mate taumoho hesa hesana Ananiya ya ita ya luhuma be nimana ya tole lawen hewana yai be haba matana ya falala be ya itaꞌita fuyo.

¹³Ananiya Guyau alinana ya bui iyen, Guyau, dodoga boludi wasana sa libalibaen, yo laulau heyaheyayadi Yelusalem yai ya ginaginaulidi em fatabudi dodoga lisidi yai, haꞌa E atahi.

¹⁴Tau antalasam babaꞌisadi gigibwali sa felen na ya laoma Damaseko be safalumamai hesam ꞌe fafapaisowa, bena ya aumai.

¹⁵Na Ananiya alinana Guyau ya bui iyen, U lau paꞌana haꞌa E fasinabom be in haba egu tau lau fayofayo, haba hesagu ya fatadada taꞌowawa yo kin hahaisa yo Isalaela dodogadi lisidi yai.

¹⁶Ginauli mahudoꞌidi haba ya ankamkamnaꞌedi Yau debagu yai mate haba E faꞌita.

¹⁷Yo fede Ananiya ya aulaha be ya lau Saulo ena aba miyamiya lumana yai, ya luhulau be nimana ya tole lawen hewana yai. Na iyen, Hidagu Saulo, Guyau Yesu In, logena, edaꞌeda yai wa laolaoma na ya taumahata lisim yai. Ya fatamaligu te bena haba matam ya tasoꞌe be wa itaꞌita fuyo. Be haba Yaubada, Yaluwana Tabuna ya famohafum.

¹⁸Yo fede ginauli hesa doha hama hunadi Saulo matana yai sa beꞌuma be ya itaꞌita fuyo. Habahim ya obiyo be ya babasito.

¹⁹Ya kalahe mulina yai, habahim ya adidili fuyo. Paisowa 9:19-25 Lahai fisa ya miya Damaseko yai maꞌena tau famuli watanna haisa.