Paisowa 10:8-30

⁸Somo ya tubu ni edi ya liba. Habahim ya fatamalidi sa lau Diyopa.

⁹Bobonna lahai laꞌi yai, Diyopa sa hanahanauꞌi. Pita mate in amainiya na ya hasai luma hewana bena ya lauꞌuꞌula.

¹⁰Ya guliyam be ya fanuha bena somo ana ya an. Kalahe hola sa abiꞌabi nonohai na tautau ya ita. Galewa ya tasoꞌe ya ita na ginauli hesa nenena doha kaleko laꞌilaꞌi duduna fati sa fadalolo lidiyeyama.

¹²Ganahewana yai mate suisui fafaꞌahedi fati, ginauli kamokamodaladi yo kanekanenedi yo ataiꞌa yekoyekodi hinaga.

¹³Alina hesa ya libalau lisina iyen, Pita, U obiyo u wunui be am u an!

¹⁴Na Pita alinana ya bui iyen, Guyau, hige gonowana! Somo dabudabu hige ya anꞌandi.

¹⁵Alina wa ya liba boda lau Pita lisina iyen, Somo Yaubada ya faloholoho te an. Tabu u kawa dabudabuwen!

¹⁶Ma faihona doha ite habahim ginauli te sa fafuyo hasaen galewa.

¹⁷Tautau ni aniyona somo mate Pita hola ya fafadosi na Koniliyesi ana hewahewali haꞌa ya fatamalidi mate Saimon ena luma sa yoꞌoyoꞌoi be sa lobahi. Amainiya sa obiꞌobiyo edaꞌeda hafohafona yai.

¹⁸Sa yoga lau be sa fatiꞌo tiyen, Ami taumana hesa hesana Saimon Pita amaiteꞌi?

¹⁹Pita tautau ni aniyona hola ya fafadosi yo fede Yaluwa iyen, U ataꞌatahi! Tatau faihona sa laulau yoꞌoim haꞌa sa mahanoma ite.

²⁰U obiyo be u feula lidi u itadi. Tabu u nuwa ladu na ma afa haidam au lau paꞌana yau E fatamalidima.

²¹Yo fede Pita ya leta lidi be ya falibadi iyen, Aee–! Ami yoꞌoyoꞌoigu. Yau logegu ite. Sidohana be ami laoma?

²²Alinana sa bui tiyen, Hiyala tau lau kulukuluwenna hesana Koniliyesi ya fatamalimai. Diusi mahudoꞌidi sa liba faloholoho tiyen, “Koniliyesi mate Yaubada tau fafaꞌatitiyenna yo tau laulau dudulai hesa.” Yaubada ena anelu tabuna ya libalau lisina bena te lau ena luma be somo wa libaen haba ya atahi.

²³Habahim, Pita ya falibadi sa lau luma ganahewana be sa famala ana taumana. Paisowa 10:23-33 Bobonna ma hwalahwalalana, ma afa haidadi Diyopa tau kawawananaha hahaisa sa aulaha sa lau.

²⁴Lahai fafaluwagana yai sa mahano lau Siseliya. Koniliyesi ma afa efana yo afa haidana safalumadi ya yogaidi mate Pita sa bagibagiyen amainiya.

²⁵Pita bena ya luhulau, na yo fede Koniliyesi maꞌena sa failobahi. Koniliyesi ya hoba lidi ahena yai be ya fadebasae.

²⁶In moho Pita ya abi famwaito na iyen, U obiyo! Yau doga gaibu yo ita gonogonowada.

²⁷Pita yo Koniliyesi sa laulau libaliba ee–, sa luhulau luma ganahewana na amainiya mate dodoga boludi haꞌa sa faꞌoigogo, ya itadi.

²⁸Ya libalau lisidi iyen, Haꞌa ami siba fuyoimiu mate ai Diusi ema andabu yo sigu yawasi laugagayodi yai ya libaen mate tabu umi, nuꞌu hahaisa dodogamiu, yo ai, ta faꞌilu. In moho Yaubada ya faꞌitagu mate tabu laugagayo ni lisidi yai, doga ya ita faheyaya.

²⁹Na fuyana wa fatamalidima agu halulu mate hige ya waiyoꞌo. Bena E fatiꞌoimiu, “Somo lisina yai be sa laufigu?”

³⁰Koniliyesi iyen, Lahai faihona haꞌa sa ofi mulidi yai na maihala doha 3 koloki maimailafi mate E laulauꞌuꞌula egu luma yai te. Yo fede taumoho hudoꞌi ena leli namanamalina nuwanuwagu yai ya obiyo,