5 Imbin gibit det lowa langa detlot Isreil pipul wen imbin deigimwei olabat brom Ijip. Aibin irrim sambodi tok bat ai nomo bin sabi hu. Imbin tok,
6 “Aibin deigimwei ola hebiwan loud brom yumob bekboun, ol detlot brabli adwek langa Ijip.
7 Wen yumob bin abumbat trabul, yumob bin jingat langa mi en aibin seibum yumob. Aibin ensim yumob brom main haiding pleis deya langa det stom klaud. Aibin testimbat yumob deya langa det springwoda langa Meriba.
8 Main pipul olabat, lisin langa main woning! Isreil, yumob nomo sabi haumatj ai wandim yumob blanga lisin langa mi.
9 Yumob nomo lau weship eni drimin.
