7 Dumaji olabat na bin kilim ola pipul blanga yu, deibin meigim yu kantri nogudwan.
8 Nomo panishim melabat blanga ola nogudbala ting weya melabat femilimob bin oldei dumbat longtaim. Yu sori langa melabat na. Yu album melabat kwikbala.
9 Album melabat God. Seibum melabat en larramgo melabat fri brom ol melabat nogudbalawei wulijim ebribodi garra rispek yu brabliwei.
10 Wotfo detlot pipul brom najalot kantri askim melabat, “Weya yumob God?” Melabat wandim luk yu panishim detlot pipul hubin meigim yu wekinmenmob lujim blad.
