5 Olabat album gija blanga dum nogudbala plen. Olabat tok gija hau dei garra pudum ola trep blanga gudbala pipul. En olabat tok, “Nobodi kaan luk melabat. God du kaan luk melabat.”
6 Olabat jidan en meigim plen blanga dum nogudbala ting en dei tok, “Wibin meigim brabli gudwan plen blanga dum.” Det hat en main blanga pipul im brabli difrinwan. Wi kaan sabi wanim dei jinggabat.
7 Bat God garra shudum olabat garram ol im erro, en streidawei olabat garra gitkil.
8 Im garra binijimap olabat blanga detlot nogud wed deibin tok. Detlot nogudbala wed weya deibin oldei toktok garra binijimap olabat. Ebribodi hu garra luk olabat garra sheikim olabat hed blanga mokimbat langa olabat.
