1 God, yu na main God, en mi wandim yu brabliwei. Holot main filing wandim yu. Main spirit jidan wikwan en mi thestiwan blanga yu, jis laik drai en rabishwan kantri weya wandim woda.
2 Larram mi luk yu deya langa yu seikridwan haus. Larram mi luk hau strongbala en haibala yu jidan.
3 God, blanga yu filing im kipgon laigimbat mi. Im mobedawan langa main laif. Blanga tharran na ai garra preisim yu.
