1 Ensim mi wen mi jingat langa yu, God, dumaji yu na oldei dum ebrijing raitwei. Ai garram detmatj trabul en mi filim miselp wikwan. Album mi en deigimat mi brom dijan trabul. Yu kain langa mi en irrim main preya.
2 En yumob pipul na. Haulong yumob kaan rispek langa mi eni mowa? Haulong yumob garra laigimbat ola nogudbala ting, en dalimbat pipul detlot wed weya nomo trubala?
3 Bat yumob jinggabat dijan na! YAWEI bin pikimat detlot pipul hu bulurrum im raitwei. Wen ai jingat langa im, im irrim mi.
4 Yumob garra bradin langa God, en stap dumbat nogudbala ting. Wen yumob leidan kwaitbalawei naitaim, jinggabat wanim bin hepin,
5 Gibit ola raitwan ofring langa YAWEI, en trastim langa im.
