1 Pipul brom ebriweya, klep yumob bingga gudbinjiwei. Sing ola song brabli adbala blanga preisim YAWEI.
2 YAWEI na det brabli haibalawan God en wi garra rispek oni langa im. Im na det brabli nambawan king, en im jidan bos blanga ebrijing langa dijan wel.
3 Imbin meigim wi win langa ola pipul. Imbin meigim wi jidan bos blanga ola kantri.
4 YAWEI laigim wi detmatj. Imbin pikimat blanga wi dijan kantri Isreil weya wi jidan na. Im brabli gudwan kantri.
