19 Bat yubin jis libum melabat langa ola wailwan enimul. Yubin libum melabat langa brabli dakbala pleis.
20 If melabat bina stap weshipbat melabat God, en stat preipreibat langa najawan drimin,
21 yu bina faindat en sabi streidawei, dumaji yu sabi ebrijing weya melabat jinggabat langa melabat main.
22 Bat dijan im langa yu bingga weya melabat gitkil olataim. Dei tridim melabat jis laik ship weya im redi blanga gitkil.
23 Yu weikap na YAWEI! Wotfo yu silipsilipbat? Yu gidap! Yu nomo gibit melabat bekboun olagija.
24 Wotfo yu haidim miselp brom melabat? Nomo fogedabat melabat pein en trabul.
