9 Wen wi gibit rispek langa YAWEI im brabli gudwan tharran deya. Wi garra kipgon olataim gibitbat rispek langa im. Det lowa blanga YAWEI im brabli trubalawan. Im oldei gibit pipul feyago.
10 Det lowa blanga YAWEI im mowa gudwan langa brabli gudwan gol. Det shugabeig im switwan, Bat det lowa im brabli mowa switwan.
11 Det lowa blanga im dalim wi wanim wi garra dum. Wen wi teiknodis langa im lowa im gibit wi ola gudwan ting.
12 Ai kaan sabi blanga main nogudbalawei. YAWEI, yu sori langa mi en deigimwei detlot nogudwan ting weya ai nomo bin sabi aibin oldei dumbat.
13 Nomo larram mi dumbat detlot nogudwan ting weya mi sabi olabat rong. Nomo larram ola nogud ting jidan bos blanga mi. If yu meigim mi lagijat wal ai garra jidan brabli gudwan, en jidan friwan brom ola nogudbalawei.
14 YAWEI, larram ebrijing mi tok, en ebrijing mi jinggabat, meigim yu gudbinji. Yu na kipumbat mi seifwan. En yu na bin seibum mi.
