5 Blanga wi God im brabli haibalawan en strongbalawan. Im sabi blanga ebrijing. Wi kaan sabi brabli blanga im wei.
6 Im album ola lobala pipul, bat im tjakamdan ola nogudbala pipul langa graun.
7 Sing preis song langa YAWEI, en plei myusik garram gita langa wi God.
8 Im pudum ola klaud ebriweya langa skai. Im meigim rein buldan langa dijan kantri, en im meigim gras gro ebriweya langa ola hil.
9 Im gibit daga langa ola enimul, en wen ola bard jingat im gibit olabat daga.
