3 Detlot pipul hu jidan brabli nogudbinji, im meigim olabat jidan gudbinji igin, en im taiyimap olabat sowa garram bendij.
4 Imbin jinggabat haumeni sta garra jidan, en imbin gulum olabat ronwan neim.
5 Blanga wi God im brabli haibalawan en strongbalawan. Im sabi blanga ebrijing. Wi kaan sabi brabli blanga im wei.
6 Im album ola lobala pipul, bat im tjakamdan ola nogudbala pipul langa graun.
7 Sing preis song langa YAWEI, en plei myusik garram gita langa wi God.
8 Im pudum ola klaud ebriweya langa skai. Im meigim rein buldan langa dijan kantri, en im meigim gras gro ebriweya langa ola hil.
