8 YAWEI laigim pipul en im garram soriwan filing blanga olabat. Im nomo gitwail kwikbala en olataim im garram det filing blanga laigim pipul olagijawan.
9 YAWEI im gudbala langa ebribodi. Im kainbala langa ebrijing weya imbin meigim.
10 Ebrijing yubin meigim garra preisim yu YAWEI, en ola pipul blanga yu garra gibit theingks langa yu.
11 Olabat garra tok blanga hau yu jidan haibalawan bos, en dalimbat blanga yu strongwan pawa,
