56 Mi jidanabat brabli gudbinjiwei dumaji mi oldei teiknodis langa yu wed.
57 YAWEI oni yu na wanbala mi wandim. Mi pramis blanga lisin en duwit langa ol detlot lowa blanga yu.
58 Mi askim yu brabliwei brom insaid langa main hat blanga sori langa mi jis laik weya yubin pramis.
59 Aibin jinggabat blanga ola ting weya aibin dumbat, en mi pramis blanga bulurrumbat yu wei.
60 Wen yu tok, streidawei mi dum wanim yu wandim.
61 Detlot brabli nogudbala pipul bin pudum trep blanga mi, bat ai nomo bin fogedabat yu lowa.
62 Mi gidap midulnait blanga preisim yu, dumaji wen yu jadjimbat pipul, yu gibit olabat feyago.
