45 Ai garra jidan friwan brabliwei dumaji aibin bulurrumbat yu wed.
46 Ai garra dalim ola bigwan bos detlot lowa blanga yu, en ai kaan sheim blanga tharran.
47 Brabliwei mi laigim dumbat wanim yu dalimbat mi, en tharran na meigim mi jidan gudbinjiwei.
48 YAWEI, mi laigim en rispek ol yu lowa. Olataim ai garra jinggabat detlot lowa blanga yu.
49 YAWEI, yu jinggabat det pramis yubin meigim garram mi, yu wekinmen. Im meigim mi wandi kipgon olawei.
50 Aibin abum trabul bat stil aibin jidan gudbinjiwei, dumaji det pramis blanga yu gibit mi laif.
51 Ola praudbala pipul oldei tok nogudbalawei langa mi, bat ai nomo bin libum detlot lowa blanga yu.
