NEMPE KAN 26:10-61

¹⁰Sampah sarapeseng oh kadaleirahla, ira eri mehla iangahki Kora oh ienge ko ni ahnsou me kisiniei karongehla me 250; irail eri wiahla mehn kapar ehu ong aramas akan.

¹¹Ahpw nein Kora pwutak ko sohte iang kamakamala.)

¹²Kadaudok en Simion: peneineien Nemuel, Samin, Sakin,

¹³Sera, oh Saul.

¹⁴Peneinei pwukat koaros patpene me 22,200 ohl.

¹⁵Kadaudok en kad: peneineien Sepon, Aki, Suni,

¹⁶Osni, Eri,

¹⁷Arod, oh Areli.

¹⁸Peneinei pwukat koaros patpene me 40,500 ohl.

¹⁹Kadaudok en Suda: peneineien Sela, Peres, Sera, Esron oh Amul. (Riemen nein Suda pwutak, Er oh Onan, ira mehla nan wehin Kenan).

²²Peneinei pwukat koaros patpene me 76,500 ohl.

²³Kadaudok en Isakar: peneineien Tola, Pua,

²⁴Sasup oh Simron.

²⁵Peneinei pwukat koaros patpene me 64,300 ohl.

²⁶Kadaudok en Sepulon: peneineien Sered, Elon, oh Sapleel.

²⁷Peneinei pwukat koaros patpene me 60,500 ohl.

²⁸Kadaudok kan en Sosep, me naineki pwutak riemen, Manase oh Epraim.

²⁹Kadaudok en Manase. Makir, nein Manase, iei semen Kilead oh peneinei me pahn wad met kan arail pahpa kahlap ako tepisang Kilead:

³⁰Peneinei en Ieser, Elek,

³¹Asriel, Sekem,

³²Semida oh Eper.

³³Selopehad, nein Eper, sohte nah pwutak ahpw mie nah serepein; adarail iei Mala, Noha, Okla, Milka oh Tirsa.

³⁴Peneinei pwutak koaros patpene me 52,700 ohl.

³⁵Kadaudok en Epraim: peneineien Sudela, Peker, oh Tahan.

³⁶Peneineien Eran tepisang Sudela.

³⁷Peneinei pwukat koaros patpene me 32,500 ohl. Ih peneinei pwukat me tepisang Sosep.

³⁸Kadaudok en Pensamin: peneineien Pela, Aspel, Airam,

³⁹Sepupam oh Upam.

⁴⁰Peneineien Ard oh Nahman tepisang Pela.

⁴¹Peneinei pwukat koaros patpene me 45,600 ohl.

⁴²Kadaudok en Dan: peneineien Usim,

⁴³irail koaros me 64,400 ohl.

⁴⁴Kadaudokk en Aser: peneineien Imna, Ispi, oh Peria.

⁴⁵Peneineien Eper oh Malkiel tepisang Peria.

⁴⁶Aser naineki serepein men ede Sera.

⁴⁷Peneinei pwukat koaros patpene me 53,400 ohl.

⁴⁸Kadaudok en Napdali: peneineien Saseel, Kuni,

⁴⁹Seser oh Sillem.

⁵⁰Peneinei pwukat koaros patpene me 45,400 ohl.

⁵¹Ohlen Israel koaros patpene me 601,730.

⁵²KAUN-O ketin mahsanihong Moses,

⁵³“Nehkpeseng sahpwo nanpwungen kadaudok pwukat nin duwen tohtohn aramas akan.

⁵⁴Nehnehn sahpwo pahn wiawi ni usuhs, oh sahpw laud pahn kohieng kadaudok laud, oh sahpw tikitik pahn kohieng kadaudok tikitik.”

⁵⁷Kadaudok en Lipai, me towe, peneineien Kerson, Kohad oh Merari.

⁵⁸Kadaudokarail kan iei keimw en peneineien Lipni, Epron, Mali, Musi oh Kora. Kohad iei semen Amram,

⁵⁹me pwoudiki nein Lipai serepein, Sokeped me ipwidi Isip. E wiahiong Amram pwutak riemen, Aaron oh Moses oh serepein men, Miriam.

⁶⁰Aaron naineki pwutak pahmen, Nadap, Apihu, Eleasar oh Idamar.

⁶¹Nadap oh Apihu mehla ahnsou me ira wiahiong KAUN-O kisiniei me sohte sarawi.