27 “Meyana nikosi pipiya kaikorotosi, pipiya goyogoyosi, ba kawakasekasesi, kuriku gwini sina boterei! Israel biyisi asi kaogimoto ba gwini a nonori.
28 Ke wonisi kata, ‘A mamana ba awaika si bisisiyei a nonori wai, nanakasike kurimi ana wosei.
29 Ereonowami niko kupura momnai, ko gwinigwini kuriku, ba komi iyabomi pipiya baiyavisi maranai si baiyawimi ba kami bodu 20 ba i gae wai kona rabobo.
30 A kaobiyoyobanimi namai kota mana saba kega komi kotoi ina riu, Caleb ba Joshua kosi wata sina riu ku kupurina.
31 Natunatumi ko wona sina pisikarisi, wai ana yaunisi ana riu kupura koi sinikikiyei wai nakai, ba namai nuwagaire ai sina mana.
32 Saba komi wai niko kupura momnai kona rabobo.
33 Ba natunatumi wai sheep aba potapota rutainisi, niko kupura momna kamonai sina bubuwa neubuwa bodu 40 rubana ami nota kabakaba kairavina, yepo ereonowami kona rabobo.
34 Kao 40 kupura ko nanagi wai nanakasike saroba ana berimi, bodu kesana wai kao kesana rubana. Koi abiyiku wai au damidami kona yauni.
