Namba 26:15-57

¹⁵Lain Gat i gat ol lain wanblut olsem, Sefon na Hagi na Suni

¹⁶na Osni na Eri

¹⁷na Arot na Areli.

¹⁸Ol dispela 7-pela lain wanblut i gat 40,500 man olgeta.

¹⁹Lain Juda i gat ol lain wanblut olsem, Sela na Peres na Sera, Hesron na Hamul. Peres em i papa bilong Hesron na Hamul. Bipo tupela arapela pikinini man bilong Juda, em Er na Onan, i bin i dai long kantri Kenan.

²²Ol dispela 5-pela lain wanblut i gat 76,500 man olgeta.

²³Lain Isakar i gat ol lain wanblut olsem, Tola na Puva na Jasup na Simron. Ol lain bilong Puva i kolim ol yet ol Pun.

²⁵Ol dispela 4-pela lain wanblut i gat 64,300 man olgeta.

²⁶Lain Sebulun i gat ol lain wanblut olsem, Seret na Elon na Jalel.

²⁷Ol dispela tripela lain wanblut i gat 60,500 man olgeta.

²⁸Lain bilong Josep i gat tupela lain wanblut olsem, Manase na Efraim.

²⁹Lain Manase i olsem. Makir em i pikinini man bilong Manase na em i papa bilong Gileat. Ol dispela lain wanblut bilong ol tumbuna pikinini bilong Gileat i olsem, Ieser na Helek

³¹na Asriel na Sekem

³²na Semida na Hefer.

³³Selofehat, pikinini man bilong Hefer, i no gat ol pikinini man. Em i gat ol pikinini meri tasol. Nem bilong ol i olsem, Mala na Noa na Hokla na Milka na Tirsa.

³⁴Ol dispela 6-pela lain wanblut i gat 52,700 man olgeta.

³⁵Lain Efraim i gat ol lain wanblut olsem, Sutela na Beker na Tahan.

³⁶Na Sutela em i tumbuna bilong lain wanblut Eran.

³⁷Ol dispela tripela lain wanblut i gat 32,500 man olgeta. Lain Manase na lain Efraim i gat wanpela tumbuna tasol, em Josep.

³⁸Lain Benjamin i gat ol lain wanblut olsem, Bela na Asbel na Ahiram

³⁹na Sefufam na Hufam.

⁴⁰Na Bela em i tumbuna bilong ol lain Art na Naman.

⁴¹Ol dispela 5-pela lain wanblut i gat 45,600 man olgeta.

⁴²Lain Dan i gat wanpela lain wanblut tasol, em Husim.

⁴³Na dispela lain i gat 64,400 man.

⁴⁴Lain Aser i gat ol lain wanblut olsem, Imna na Isvi na Beria.

⁴⁵Na Beria em i tumbuna bilong lain wanblut bilong Heber na Malkiel.

⁴⁶Aser i gat wanpela pikinini meri, nem bilong en Sera.

⁴⁷Ol dispela tripela lain wanblut i gat 53,400 man olgeta.

⁴⁸Lain Naptali i gat ol lain wanblut olsem, Jasiel na Guni

⁴⁹na Jeser na Silem.

⁵⁰Ol dispela 4-pela lain wanblut i gat 45,400 man olgeta.

⁵¹Olsem na namba bilong olgeta man bilong Israel em inap 601,730.

⁵²Bihain Bikpela i tokim Moses olsem,

⁵³“Nau mi laik bai yu tilim graun i go long olgeta lain inap long namba bilong ol manmeri bilong ol wan wan lain.

⁵⁴Yu mas pilai satu bilong makim ol hap graun, na givim bikpela graun long ol lain i gat planti manmeri na givim liklik hap long lain i gat liklik lain manmeri.”

⁵⁷Lain Livai i gat ol dispela lain wanblut, Gerson na Kohat na Merari.