9Niquinita tlen nica itzonatipa ni hueyi tepetl. Nojquiya niquintlachilía tlen piltepetzitzi. Niquinita para moiyocatlalijtoque tlen sequinoc. Inijuanti seyoc tlamantli masehualme. Amo quen sequinoc tlaltipac ehuani.
10Tlahuel miyaqui inijuanti hasta itztoque quen tlaltejpoctli. Amo aqui hueli quinpohua. Niyon se amo hueli quimatis quesqui itztoque. Nipaquisquía sintla nimiquisquía xitlahuac iixpa TOTECO quen inijuanti. Ma nimiquis ica nopa tlatiochihualistli catli se israelita quipiya.”
11Huajca nopa Tlanahuatijquetl Balac quiilhui Balaam: ―¿Tlaque tijchijtoc? Na nimitzhualicac para xiquintelchihua nocualancaitacahua, huan ta tiquintiochijtoc.
12Huan Balaam quinanquili: ―Monequi san niquijtos catli TOTECO nechilhuis.
13Huajca Tlanahuatijquetl Balac quiilhui Balaam: ―Xihuala nohuaya huan ma tiyaca seyoc lugar. Huan tlen nopona hueli tiquitas san se achi tlen nochi nopa miyaqui israelitame. Tlen nopona huelis tiquintelchihuas san se achi tlen inijuanti.
14Huajca Tlanahuatijquetl Balac quihuicac Balaam ipan se mili campa itoca Zofim ipan itzonatipa nopa tepetl Pisga, huan nopona quichijqui chicome tlaixpamitl huan quitencajqui se becerro huan se borrego ipan sesen tlaixpamitl.
NÚMEROS 23
NÚMEROS 23:9-14