47Leví trïbu runacunataga waquin Israel-masincunatawan iwal manami sinsuranchu.
48Chaynöga mana sinsuranchu Moisesta Tayta Dios cayno nisha captinmi:
49«Israelcunata sinsushpayqui ama sinsunquichu Leví trïbu runacunataga.
50Leví trïbu runacunataga churanqui Tincuna Tolducho rispitäducuna cajta, chaycho caj llapan cösacunatapis ricananpaj. Paycunallami mayman aywarpis apanga Tincuna Tolduta y llapan ima-aycantapis. Chaychöga paycunallami aronga nogata sirbimashpan. Maychöpis goyanga Tincuna Toldu ñaupancunallacho.