17 Go sâqocne bapa jaŋere erâ maŋge mi bâruŋkezejec, Wofuŋ ine dameŋ sâc araŋ bacnehuc juzemec.
18 Go iŋuc ehuc juhaŋte woworicgezi mi omaeocmu.
19 O motec‐mae, no gazape manac: Go maŋɋârâŋhec juzemec, ehuc hata fâretiŋko jaha maŋ mamanasuge râetec fozejec.
20 Go ŋic waiŋ âmbâŋ nânâ me nânâ gapecmâc nâeŋgopieŋ jaŋere ŋondeŋko boc mi juzemec.
21 Opâ sanaŋ â bec qowi âmbâŋ nânâ ŋic i jaŋe hapetac erâ juniŋmu, ehuc ojoŋ fohuc ŋaqi qoruc basaniŋmu.
22 Go mamac bâbâfuage ere dâŋ manahuc juzemec, â neŋgocgezi ŋokac qizec erâ juha mi qaisockezemec.
