Moimai di vegu 13:45-49

⁴⁵Idu Jew vene yaku amiye tau gade veyadiri, bi ini uka gonema yaku vata baeyo. Paul yaku ini beika sina niyo rofu nikayamo resi nifafana reyadi.

⁴⁶Ye Paul ma Barnabas ori de dudu ago ni yeiva iniye reyadi: “Rama iniye, ya vene rofu siko Sei di ago nigifa bi buni. Idu gedu madedi mini ma ya mokededi bi ya kaya bi toga toga ameibobina vegu rofu bi buni de, dada ya vene ya feresi tutubena idana vene rofu bogifa.

⁴⁷Adina Varika amiye yaku ago gira una niyo bi yomini: ‘Tutubena idana vene di vabara bi ya riyaka, ye mina dada gagani kono tora noibanu di vene tau vegu niyaganedi.’”

⁴⁸Tutubena idana vene yaku mina sina neidegasa ada resi Varika amiye di roka moi odoro riyadi; resi kaere bi Sei yaku toga toga ameibobina vegu rofu niyo bi mokena vari gira aeyadi.

⁴⁹Varika amiye di ago mina gagani tauri urafo reyo.