Mitiyegec 26:2-8

²O KEBU, geng faitobannu fainuma kekecna isinggema ubaherena ifingoc isinggema henna.

³Ge yoac dedzege amma imoc modackecnec, imoc hemma geac yoac tofohoma kecbade.

⁴Ni ikocngic yenigoc naric mi kecbade nga ngic manganangina gombunga bageau mesufuandae, yenigoc naric mi kecbade.

⁵Ni yarengic yenigoc naric mi kecbade nga ngic Anutu ngadehema mangana megecdeac ayemmeande, yenigoc naric mi tacbade.

⁶O KEBU, ni kopocsic mong mi meficgema marina dzuacba kongac kpeu arataga wegenacfu yerecgebade.

⁷Ni ubana miacma ubangerec megemma kucfakaga wiac engena negemma dekperagiba negenggecde.

⁸O KEBU, ge amagerecgau kuc nga kibikperagigagoc kecnec, ama imocac songo negenduae.