2 O Wofuŋ, no weaŋkekopacte wiac urucko enarec, me kike‐nane jâjâwâckekacte basanaŋnuc.
3 Maŋ qâqâtâc‐nane wâc mâretec jâjâwâckekac Wofuŋ go muc, mo dameŋko taraocmu?
4 Wofuŋ go fotikiec, juju‐nane asao roc. Aki anonocgere erâ sisipirickonec bataracnuc.
5 Hâmocko gore mamanasu mi fokac i. Me hâmoc haeo mozi muga bagareocmu?
6 No husehuc foku rokawekopac; ŋafe sâc ʒâŋeuc‐nanezi fofo‐nane bânâŋke‐fâreekac, kiokupe bilaŋke‐nane bâŋgumuŋke‐fâreekac.
7 Busâqoc manakupe ʒâŋe‐nane kitutuckekac, kisâfâc‐nane jaŋe enarekupie ʒâŋe‐nane bâniniŋkekac.
8 Sâqocne bapa, ŋoŋe behecnu‐fâreniŋ, Wofuŋzi kifânâŋ‐nane manajec;
9 Wofuŋzi kio wâwâsic‐nane manajec, Wofuŋzi nunumu‐nane ro sakac ejec.
10 Kisâfâc‐nane sasawa jaŋe qurutuarâ weaŋkeniŋmu, ɋeŋfâfâc jaha risiehuc mimi‐jeŋic mananiŋmu.
