Miti Mânec 6:2-10

²O Wofuŋ, no weaŋkekopacte wiac urucko enarec, me kike‐nane jâjâwâckekacte basanaŋnuc.

³Maŋ qâqâtâc‐nane wâc mâretec jâjâwâckekac Wofuŋ go muc, mo dameŋko taraocmu?

⁴Wofuŋ go fotikiec, juju‐nane asao roc. Aki anonocgere erâ sisipirickonec bataracnuc.

⁵Hâmocko gore mamanasu mi fokac i. Me hâmoc haeo mozi muga bagareocmu?

⁶No husehuc foku rokawekopac; ŋafe sâc ʒâŋeuc‐nanezi fofo‐nane bânâŋke‐fâreekac, kiokupe bilaŋke‐nane bâŋgumuŋke‐fâreekac.

⁷Busâqoc manakupe ʒâŋe‐nane kitutuckekac, kisâfâc‐nane jaŋe enarekupie ʒâŋe‐nane bâniniŋkekac.

⁸Sâqocne bapa, ŋoŋe behecnu‐fâreniŋ, Wofuŋzi kifânâŋ‐nane manajec;

⁹Wofuŋzi kio wâwâsic‐nane manajec, Wofuŋzi nunumu‐nane ro sakac ejec.

¹⁰Kisâfâc‐nane sasawa jaŋe qurutuarâ weaŋkeniŋmu, ɋeŋfâfâc jaha risiehuc mimi‐jeŋic mananiŋmu.