7 Eme mupo, “Manakic, no fisikopac, miti papiao nore dâŋ qâreŋkekicne fokac:
8 Anutu‐nane, no micge reŋkepere aŋacnukac, â sâcmutâc dâŋge maŋnaneo fokac.”
9 Bâbâpiaŋte biŋedâŋ tutumaŋ sâkoo mufuapo, no micbipic‐nane aka mi hecnepo, i Wofuŋ, go gahac manakic.
10 No bâbâpiaŋ giegere dâŋ i maŋnaneo mi hefackepo, erâ‐eesanaŋgere â aki anonocgere biŋe mupo; no tutumaŋ sâkore maio buurucge â dâŋfârige mi hesoŋkepo.
11 O Wofuŋ, go buurucge mi sakare‐narec, aki anonoc â jauŋfârige izi ʒimicnu basanaŋ ezejec.
