7 Mâsi bahuc aki anonocgere fuŋne bataniŋkec; râsi wise‐jarehuc mefâregao dapeŋ bâfuaeŋgopieŋ, ŋic i jaŋere bâbâpiaŋ juekic.
8 Ʒâŋe hândâŋge iŋucne bajucnuzemec, fakec rurumaŋgao hefacnuzemec,
9 ŋic sindaŋne jaŋe sipiricnuzo eŋgopieŋ, râsifâc‐nane jaŋe hâmoc bâfua‐nareniŋte somâ râe‐nareŋgopieŋ hâcne.
10 Wokemaŋ dâŋjeŋiczi busâqoc mamana bâniniŋke‐jarewec, micjeŋicko penaroŋ dâŋ fuaekac.
11 Jaŋe bâjâpecnu wareku orâŋnuŋgopieŋ, hetapaicnupie mâreŋko qarâ fopere ejarekac.
