1 Wofuŋ, go nore nikecgu sanaŋkekac i wezimucko taraocmu? Go ʒâŋe maige bâsoŋke‐nareekic i mo dameŋko taraocmu?
2 Buʒâic manahuc jukopac i wezimucko mâteŋkeocmu? Ʒoaŋ sâc busâqoc bajukopac i mo dameŋko omaeocmu? Kisâ‐nanezi nifepupu enareekac i wezimucko beheocmu?
3 O Wofuŋ Anutu‐nane, go fitec wareoc, micnaneo roc. Ʒâŋe‐nane batamaec, hâmocte guŋzi qâmâcnuzacte,
4 kisâ‐nanezi docke‐narekac muzacte, râsifâc‐nane jaŋe rândiŋkepe ʒeri enʒipiŋte.
5 No ine aki anonocgere mamanac jukopac, bâbâpiaŋgere erâ maŋzi ʒeri ekopac.
6 No Wofuŋ gae hecnepe, e âgo jauŋ enarekac hâcne.
