Miti Mânec 13:1-6

¹Wofuŋ, go nore nikecgu sanaŋkekac i wezimucko taraocmu? Go ʒâŋe maige bâsoŋke‐nareekic i mo dameŋko taraocmu?

²Buʒâic manahuc jukopac i wezimucko mâteŋkeocmu? Ʒoaŋ sâc busâqoc bajukopac i mo dameŋko omaeocmu? Kisâ‐nanezi nifepupu enareekac i wezimucko beheocmu?

³O Wofuŋ Anutu‐nane, go fitec wareoc, micnaneo roc. Ʒâŋe‐nane batamaec, hâmocte guŋzi qâmâcnuzacte,

⁴kisâ‐nanezi docke‐narekac muzacte, râsifâc‐nane jaŋe rândiŋkepe ʒeri enʒipiŋte.

⁵No ine aki anonocgere mamanac jukopac, bâbâpiaŋgere erâ maŋzi ʒeri ekopac.

⁶No Wofuŋ gae hecnepe, e âgo jauŋ enarekac hâcne.