MII GUN MIINU MO 17:8-11

⁸Dhali uni c̱ina waambuhany ’kwani bwa shi/ ki me’d mo dhali tap̱am bampa/ ilu/ mo ki uni ciḵki to gwansan mo be.

⁹Dhali ki uni dilki to ’pena Yasuun mo dhali kun tiya mo tani uni ki dhal uni bway mo mmo/ii mo be.

¹⁰Dhala waḵ buni ise/ uni ki ṯuca Buulus dhala Sila ki ii mo mon’thiny mo ntagi Pam Biriyya mo dhali uni iikin e gu’b gi montul is gi ’Kwani Yahuuda/ me’d jin pu’dkina uni imun mo.

¹¹Hili uni gwansan bol uni gi Pan Tasaluniiki e ki yuḵ mo mmobu’thkina uni gwo mo ki mo/o bwa kagahara mmo’cunycur Gwo ma Arumgimis kun ’kwarkunu mo ka yempa/ mo waḵki/ to gwansan mini wakansan mo.