MII GUN MIINU MO 10:39-41

³⁹Dhali am tana iman/o gwo goma ris to gwansan kun miina a’di e bampaŋ ’Kwani Yahuuda/ mo dhali e Pa Urushaliim si’da/ mo. A’di si’da/ jin ’koshkina uni jwa mo mmohankina uni a’di ap̱o/ cwa mo.

⁴⁰A’di ’de’k ma Arumgimis mmis ka cim kwara mo dhali ṯor a’di eya tente/ mo

⁴¹yisa ka ris ’kwani ’baar yisa, hili ki iman/o gwo kun laḵ ma Arumgimis ’thissa/ kun ta aman kun nyaḵ to shwa ki a’di mo dhali mmonyaḵ to p̱i ki a’di mo ’ko’di a’di piki’d ’peni mowu mo be.