Mga Awit 48:3-13 in Tagalog

³ Ang Dios ay napakilala sa kaniyang mga bahay-hari, na pinakakanlungan.

⁴ Sapagka't narito, ang mga hari ay nagpupulong, sila'y nagsidaang magkakasama.

⁵ Kanilang nakita, nagsipanggilalas nga sila; sila'y nanganglupaypay, sila'y nangagmadaling tumakas.

⁶ Panginginig ay humawak sa kanila roon; sakit, gaya ng sa isang babae sa pagdaramdam.

⁷ Sa pamamagitan ng hanging silanganan iyong binabasag ang mga sasakyan sa Tharsis.

⁸ Kung ano ang aming narinig, ay gayon ang aming nakita sa bayan ng Panginoon ng mga hukbo, sa bayan ng aming Dios: itatatag ito ng Dios magpakailan man. (Selah)

⁹ Aming inaalaala ang iyong kagandahang-loob, Oh Dios, sa gitna ng iyong templo.

¹⁰ Kung ano ang iyong pangalan, Oh Dios, gayon ang pagpuri sa iyo hanggang sa mga wakas ng lupa; ang iyong kanan ay puspos ng katuwiran.

¹¹ Matuwa ka bundok ng Sion, magalak ang mga anak na babae ng Juda, dahil sa iyong mga kahatulan.

¹² Libutin ninyo ang Sion, at inyong ligirin siya: inyong saysayin ang mga moog niyaon.

¹³ Tandaan ninyong mabuti ang kaniyang mga kuta, inyong masdan ang kaniyang mga bahay-hari; upang inyong maisaysay ito sa susunod na lahi.

³ Nagpakilala ang Diyos sa kaniyang mga palasyo bilang isang kublihan.

⁴ Pero, tingnan niyo, ang mga hari ay pinulong ang kanilang mga sarili; sila ay dumaan nang magkakasama.

⁵ Nakita nila ito, pagkatapos sila ay namangha, sila ay nasiraan ng loob at nagmamadaling lumayo.

⁶ Pangangatog ang bumalot sa kanila doon, sakit gaya ng isang babaeng nanganganak.

⁷ Sa pamamagitan ng hangin ng silangan sinira mo ang mga barko ng Tarsis.

⁸ Gaya ng aming narinig, ay ganoon din ang aming nakita sa lungsod ni Yahweh ng mga hukbo, sa lungsod ng ating Diyos; itatatag ito ng Diyos magpakailanman. Selah

⁹ Naalala namin ang tungkol sa iyong katapatan sa tipan, O Diyos, sa gitna ng iyong templo.

¹⁰ Gaya ng iyong pangalan, O Diyos, gayundin ang papuri sa iyo hanggang sa mga dulo ng mundo; ang iyong kanang kamay ay puno ng katuwiran.

¹¹ Hayaan mong ang Bundok ng Sion ay matuwa, hayaan mong ang mga anak na babae ng Juda ay magsaya dahil sa iyong makatuwirang mga kautusan.

¹² Maglakad sa palibot ng Bundok Sion, umikot ka sa kaniya; bilangin mo ang kaniyang mga tore,

¹³ masdan mong mabuti ang kaniyang mga pader, at tingnan ang kaniyang mga palasyo nang sa gayon masabi mo ito sa susunod na salinlahi.