Text copied!
CopyCompare
Kadede Kap Pjam Akan - Men Korint II

Men Korint II 6

Help us?
Click on verse(s) to share them!
1KIT men jauaja kai, men panaui komail, pwe komail de ale mal mak en Kot.
2Pwe a kotin majani: I ron uk er ni anjau mau, o ni ran en kamaur I katoi uk adar. Kilan anjau wet anjau mau; anjau wet ran en kamaur.
3Kit jota kadipikelekel on meakot, pwe at koa dodok ede kalok jued.
4A ni meakaroj kit kin wia janjal en papa en Kot akai: Ni kanonama melel, ni kamekam, ni paiio kan, ni kamajak kan,
5Ni wokwok, nan imaten, ni moromoron, ni dodok, ni majamajan, ni ijejol.
6Ni makelekel, ni lolekon, ni lolin, ni kadek, ni Nen jaraui, ni limpok melel,
7Ni majan melel, ni manaman en Kot, ki tatan mauin en pun pali maun o pali main,
8Ni kaka, o jokaka, ni kalok jued, o kalok mau, dene kaweid japun, ari jo, me melel,
9Dene pajaje, ari jo, kit me indand; koren ion mela, a kilan kit memaureta; me kin kamekam, ap jota kamela,
10Ni injenjued, ap pereperen anjau karoj, me jamama, ap kakepwapwala me toto, jota at meakot, ap aneki meakaroj.
11Men Korint, au at ritidan komail, o nan monion it me laudi on komail.
12Kaidin me tikitik deu ’mail nan monion it, a monion omail me tikitik.
13I kin padaki on komail dueta on jeri kan, pwe komail en pil wiai on ia dueta, o kalaudela nan monion omail.
14Komail ender paroki on me jo pojon akan, pwe iaduen, pun kak minimin on japun? De marain pan kak waroki on rotorot?
15De iaduen Krijtuj o Pelial ara kak parok pena? De da pwaij en me pojon ren me jopojon?
16De tanpaj en Kot pan kak pat on ani mal akan? Pwe tanpaj en Kot ieiaj iei komail, duen Kot kotin majanier: I pan kaujon re ’rail o daudaulole irail, o Nai pan arail Kot, a irail pan nai aramaj akan.
17Komail ari muei jan irail o katoror jan pein komail, me Kaun o kotin majani, o ender doke me kajaut kot, Nai ap pan apwali komail,
18O I pan Jam omail, o komail pan nai ol o li akan, me Kaun lapalap kotin majani.