Men Kalejia 1

1

2

3

4

5

6

¹PAULUJ wanporon amen kaidin jan ren aramaj akan, pil kaidin pan aramaj akan, a pan Iejuj Krijtuj o Kot Jam, me kotin kaiajadar i jan ren me melar akan,

²O ri atail akan karoj, me mi re i, at ranamau on momodijou en Kalejia kan:

³Mak o popol jan ren Kot Jam o atail Kaun Iejuj Krijtuj en mi re omail;

⁴Me kotin jokonpaude ki pein i ki dip atail, pwen dore kitail jan ni me jued akan mi jappa, duen kupur en Kot o Jam atail.

⁵Linan en ko on i kokolata! Amen.

⁶I puriamuiki omail madan wuki jan i, me molipe komail pan mak en Krijtuj, ap wuki on eu ronamau;

⁷A jota eu mia. Ari jo, akai mia, me kin kapinada komail, o irail men kalikame ronamau en Krijtuj.

⁸A ma kit de tounlan amen jan nanlan pan padaki on komail eu ronamau, me toror jan ronamau, me je padaki on komail er, i en riala.

⁹Duen me je indada maj o, iduen je pil puron inda: Ma amen pan padaki on komail eu ronamau, me toror jan me komail aleer, i en riala.

¹⁰Iaduen, i kin men kaperenda aramaj akan de Kot? De i kin rapaki konekon ren aramaj akan? Ma i men konekon ren aramaj akan, i ap jota ladun Krijtuj.

¹¹I katitiki on komail ri ai kan, ronamau me i padakier, a jota tapi jan ren aramaj.

¹²Pwe i jota ale jan ren aramaj amen, o jota me padaki on ia, a a koki don ia kajale pan Iejuj Krijtuj.

¹³Pwe komail roner duen ai wiawia en maj nan pun en men Juj akan, duen i kin morouo on momodijou en Kot lapalapia o kawe ir ala.

¹⁴O i kakairida nin lamalam en Juj akan madan jan me toto, me kit ti ta ieu o toun jap ta ieu, o i nantion kapwaiada padok en jam at akan.

¹⁵A Kot lao kupureda, me kotin kilele ia di jan ni kaped en in ai, o me kotin molipe ia ki a mak,

¹⁶En kajale on ia japwilim a Ol, pwe i en padaki on men liki kan duen i, i ap pitipit wiada o jota kalelapok ren uduk o nta.

¹⁷O i pil jo pwar lan Ierujalem ren irail, me wanporon akan mo i, a i kolan Arapien ap pil pure don Damajkuj.

¹⁸Ari, murin par jilu i ap kodalan Ierujalem, pwen kilan Kepaj. I ap mimieta re a ran eijoklimau.

¹⁹A jota amen ren wanporon akan, me i kilan, Iakopuj ta, ri en Kaun o.

²⁰A me i intin won komail, Kot me kotin mani, me i jota likam.

²¹Muri i ap kola nan wein Jirien o Jilijia.

²²A momodijou en Iudäa kan me mi pan kupur en Krijtuj jaja ia.

²³A i eta, irail roner, me i me kin morouo on kit maj o, i me kin padaki pojon anjau wet, me a kin kaokaoe maj o.

²⁴Irail ap kalinanda Kot pweki nai.