Melkahkahn Melkahka Kan 8:8-14

⁸Mie riat serepein men, oh eh dihdi kan wie tikitikte. Dahme se pahn wiahiong ma mwahnakapw men pahn peki en pwoudiki?

⁹Ma ih dihd ehu, se pahn kauwadahng wasahn doulik silper ehu. Ahpw ma ih ewen kehl ehu, se pahn didihkipene tuhke sidar.

¹⁰Ngehi dihd ehu, oh ei dihdi kan me wia wasahn doulik. Ei mwohnlimpoako kin dehdehki pwe I kin diar ei nsenamwahu oh popohl reh.

¹¹Solomon sapwellimaniki mwetin wain ehu nan tehnpas me adaneki Paal Amon. Mie soumwet kei me kohwahkihong; emenemen irail kin pwainkihong uwen mwohni silper kid.

¹²Me mwahu, Solomon en sapwellimaniki mwohni silper kido, oh soumwet kan en pwaiskihsang mwohni silper riepwikio; a ngehi, I tungoalenki mwetin wain tohrohr ehu me uhdahn pein ahi!

¹³Ei mwohnlimpoak, I men rong ngilomw sang nan mwetuwelo; kompoakepahi kan awiawih pwe re en rong omw pahn lokaia.

¹⁴Keido mahs, ei mwohnlimpoak, duwehte kasel men, duwehte tie wol pwulopwul men pohn nahna kan, wasa me warpwohmwahu kan kin keirda ie.