MELKAHKA KAN 71:4-20 in Pohnpeian

⁴ Ai Kot, jauaja ia jan nan pa en me doo jan Kot, o jan nan pa en me japun o weit.

⁵ Pwe komui kapore pa i, Main Ieowa, komui ai kel jan ni ai pulepul.

⁶ I liki komui jan ni ai ipwidier, o komui me kaipwi ia jan nan kaped en in ai, i pan kapina komui kokolata.

⁷ Nai dueta meakot me kapuriamui on me toto; a komui kel pa i manaman.

⁸ Kom kotin kadireki au ai kapin o danke on komui.

⁹ Kom der kotin kaje ia la ni ai mala, o der muei jan ia ni ai pan luetala.

¹⁰ Pwe ai imwintiti kin palian ia ni ar lokaia, o me kin majamajan ia, kin kapakapun pena,

¹¹ O indinda: Kot muei janer i, komail paki o koledi i, pwe jota jauaj pa a.

¹² Main Kot, kom der kotin doo wei jan ia, Main Kot! Kom kotin madando o jauaja ia.

¹³ A me palian ia en namenokala o jarodi; o me rapa kin ia, pwen kame ia la, ren kadupale kidi namenok o lalaue.

¹⁴ A i pan auiauita, o i pan kalaudela ai kapin on komui kokolata.

¹⁵ Au ai en kaloki jili omui pun, o omui kamau pan ran karoj, me jota kak wadawad pena.

¹⁶ I kin weweid jili ni mana en Ieowa Kaun; i pan kapina omui pun eta.

¹⁷ Main Kot, kom kotin padaki on ia er jan ni ai pulepul, o i kaloki jili omui manaman akan jan maj kokodo lel met.

¹⁸ Main Kot, kom der kotin muei jan ia ni ai mala, pit en mon ai lao puetepuetala, lao i pan padaki on jeri en jeri kan omui wiawia o on me pan kokodo omui manaman.

¹⁹ Main Kot, omui pun meid ileile, kom kin wiada dodok lapalap. Main Kot, ij me rajon komui?

²⁰ Pwe komui kotiki on kit er kamajak laud o toto, o kom kotin pur on kamau kit ada o wai ia dado jan nan waja lol.

⁴ Ai Kot, sauasa ia sang nan pa en me doo sang Kot, o sang nan pa en me sapung o weit.

⁵ Pwe komui kapore pa i, Maing Ieowa, komui ai kel sang ni ai pulepul.

⁶ I liki komui sang ni ai ipwidier, o komui me kaipwi ia sang nan kaped en in ai, i pan kapinga komui kokolata.

⁷ Ngai dueta meakot me kapuriamui ong me toto; a komui kel pa i manaman.

⁸ Kom kotin kadireki au ai kaping o danke ong komui.

⁹ Kom der kotin kase ia la ni ai mala, o der muei sang ia ni ai pan luetala.

¹⁰ Pwe ai imwintiti kin palian ia ni ar lokaia, o me kin masamasan ia, kin kapakapung pena,

¹¹ O indinda: Kot muei sanger i, komail paki o koledi i, pwe sota sauas pa a.

¹² Maing Kot, kom der kotin doo wei sang ia, Maing Kot! Kom kotin madangdo o sauasa ia.

¹³ A me palian ia en namenokala o sarodi; o me rapa kin ia, pwen kame ia la, ren kadupale kidi namenok o lalaue.

¹⁴ A i pan auiauita, o i pan kalaudela ai kaping ong komui kokolata.

¹⁵ Au ai en kaloki sili omui pung, o omui kamau pan ran karos, me sota kak wadawad pena.

¹⁶ I kin weweid sili ni mana en Ieowa Kaun; i pan kapinga omui pung eta.

¹⁷ Maing Kot, kom kotin padaki ong ia er sang ni ai pulepul, o i kaloki sili omui manaman akan sang mas kokodo lel met.

¹⁸ Maing Kot, kom der kotin muei sang ia ni ai mala, pit en mong ai lao puetepuetala, lao i pan padaki ong seri en seri kan omui wiawia o ong me pan kokodo omui manaman.

¹⁹ Maing Kot, omui pung meid ileile, kom kin wiada dodok lapalap. Maing Kot, is me rasong komui?

²⁰ Pwe komui kotiki ong kit er kamasak laud o toto, o kom kotin pur ong kamau kit ada o wai ia dado sang nan wasa lol.

⁴ Maing ei Koht, komw ketin kapitiesang aramas suwed kan, sang ni manaman en me lemei oh suwed kan.

⁵ Maing KAUN, Wasa Lapalap, komwihte me ei koapworopwor; komwihte me I kin likih sang ni ei tikitik.

⁶ I likihkomwiher nan ei mour unsek; komw ketin sinsileieier sang ni ei ipwidi; I pahn kapinga komwi ahnsou koaros!

⁷ Mouri wialahr mehn kalamangi ong me ngeder, pwehki komwi me soundoarepei kehlail.

⁸ I kin kapikapinga komwi sang nimenseng lel nipwong oh kalohki sapwellimomwi lingan.

⁹ Komw dehr ketin likidmelieiehla ni ei likeilapalahr, komw pil dehr ketin keseiehla ni ei luwetalahr.

¹⁰ Ei imwintihti kan men kemeielahr; re ndindapene oh koasoakoasone ar pahn pelian ie.

¹¹ Re ndinda, “Koht ketin likidmelielahr aramaso; kitail pwakih oh koledi, pwe sohte me pahn kapitala.”

¹² Maing Koht, komw dehr kin ketin dohweisang ie; Maing ei Koht, komw ketin sewese ie ahnsou wet!

¹³ Irail akan me men mahweniong ie en lohdi oh mwomwla. Irail akan me men kauweiehla en namenekla oh paisuwedla.

¹⁴ Ahnsou koaros I pahn kin koapworopworkin komwi; I pahn kalaudehla ei kaping ong komwi kohkohlahte.

¹⁵ I pahn lohkiseli sapwellimomwi kupwur mwahu; I pahn koasoia duwen sapwellimomwi manaman en komour sang nimenseng lel nipwong, mehnda ma I sohte kin dehdehki duwe.

¹⁶ I pahn weweidwei nan roson en KAUN-O ei Koht; I pahn kalohki sapwellimomwi kupwur mwahu, pwe komwihte me sapwellimaniki.

¹⁷ Komw ketin padahkieier sang ni ei tikitik, oh lel met I pil lohlohkiseli sapwellimomwi wiewia kapwuriamwei kan.

¹⁸ A met ni ei mahlahr oh moangepwetalahr, Maing Koht, komw dehr ketin likidmelieiehla! Komw ketin ieiang ie nindokon ei pahn kalohki sapwellimomwi roson oh manaman ong dih en mwuhr kan.

¹⁹ Maing Koht, sapwellimomwi pwung me ileilehie. Komw ketin wiahda doadoahk kesempwahlie; sohte emen me rasehng komwi.

²⁰ Komw ketikihongieier apwal oh lokolok, ahpw komwi pahn pwurehng ketin kakehlaiehda; komw pahn ketin nekidiehla sang mehla.

⁴ Maing ei Koht, komw ketin kapitiesang aramas suwed kan, sang ni manaman en me lemei oh suwed kan.

⁵ Maing KAUN, Wasa Lapalap, komwihte me ei koapworopwor; komwihte me I kin likih sang ni ei tikitik.

⁶ I likihkomwiher nan ei mour unsek; komw ketin sinsileieier sang ni ei ipwidi; I pahn kapinga komwi ahnsou koaros!

⁷ Mouri wialahr mehn kalamangi ong me ngeder, pwehki komwi me soundoarepei kehlail.

⁸ I kin kapikapinga komwi sang nimenseng lel nipwong oh kalohki sapwellimomwi lingan.

⁹ Komw dehr ketin likidmelieiehla ni ei likeilapalahr, komw pil dehr ketin keseiehla ni ei luwetalahr.

¹⁰ Ei imwintihti kan men kemeielahr; re ndindapene oh koasoakoasone ar pahn pelian ie.

¹¹ Re ndinda, “Koht ketin likidmelielahr aramaso; kitail pwakih oh koledi, pwe sohte me pahn kapitala.”

¹² Maing Koht, komw dehr kin ketin dohweisang ie; Maing ei Koht, komw ketin sewese ie ahnsou wet!

¹³ Irail akan me men mahweniong ie en lohdi oh mwomwla. Irail akan me men kauweiehla en namenekla oh paisuwedla.

¹⁴ Ahnsou koaros I pahn kin koapworopworkin komwi; I pahn kalaudehla ei kaping ong komwi kohkohlahte.

¹⁵ I pahn lohkiseli sapwellimomwi kupwur mwahu; I pahn koasoia duwen sapwellimomwi manaman en komour sang nimenseng lel nipwong, mehnda ma I sohte kin dehdehki duwe.

¹⁶ I pahn weweidwei nan roson en KAUN-O ei Koht; I pahn kalohki sapwellimomwi kupwur mwahu, pwe komwihte me sapwellimaniki.

¹⁷ Komw ketin padahkieier sang ni ei tikitik, oh lel met I pil lohlohkiseli sapwellimomwi wiewia kapwuriamwei kan.

¹⁸ A met ni ei mahlahr oh moangepwetalahr, Maing Koht, komw dehr ketin likidmelieiehla! Komw ketin ieiang ie nindokon ei pahn kalohki sapwellimomwi roson oh manaman ong dih en mwuhr kan.

¹⁹ Maing Koht, sapwellimomwi pwung me ileilehie. Komw ketin wiahda doadoahk kesempwahlie; sohte emen me rasehng komwi.

²⁰ Komw ketikihongieier apwal oh lokolok, ahpw komwi pahn pwurehng ketin kakehlaiehda; komw pahn ketin nekidiehla sang mehla.