5Kumwail patohdo oh kadehde dahme Koht ketin wiadahr, wiepen nin lime kapwuriamwei kan nanpwungen aramas akan.
6E ketin wekidehngehr sehdo ni sahpw madekeng; atail pahpa kahlap ako kotehla pihlo sapasapal pohn pwehl. Se inenen perenkihda wiepen nin lime wasao.
7E kin ketin kaunkihda wasa sapwellime manaman kohkohlahte, oh e kin ketin mwasamwasahn wehi kan. Eri me kahngohdi kan re en dehr pelianda.
8Kumwail wehi kan koaros, kumwail kapinga atail Koht; ngilen amwail kaping en lelpeseng wasa koaros.
MELKAHKA KAN 66
MELKAHKA KAN 66:5-8